被封為新一代「宅男女神」的黃心穎，入行以來甚少緋聞，自言Dry了多年的她，早前更向無綫自薦參與相睇節目，可見恨拍拖恨到出面。前日心穎BB出席活動後，極速返家梳洗，然後駕車往灣仔參加Speed Dating，席上見心穎與坐對面的型男特別投契，更不時甜絲絲對望，睇怕啱晒心穎口味！

心穎BB與坐對面的型男（左一）特別好傾，兩人不時甜絲絲對望，更交換電話。

心穎離開時見到記者，即尷尬揮手打招呼。

心穎逛眼鏡店，更試戴太陽眼鏡。

心穎

Dry爆的心穎曾自薦參加真人騷節目《搵個好男人》擔任嘉賓。

現年25歲的黃心穎，自2012年當選港姐亞軍後，被網友封為新一代「宅男女神」。自稱沒男朋友的她，於今年初曾表示想拍拖，早前無綫播出的男女配對真人騷節目《搵個好男人》，Dry爆的心穎更自薦參加做嘉賓。

食足三個鐘

恨拍拖的心穎，前日下午在九龍區出席新劇《再戰明天》活動後，駕車返油塘香閨梳洗扮靚。6時許，她駕車離開寓所，往灣仔參加Speed Dating。為免受佔領事件影響塞車，她將座駕停泊在銅鑼灣一個商場的停車場後，先往附近櫃員機提款再逛名店，期間見她試太陽眼鏡，未幾便扑錘購下心頭好，然後乘港鐵到灣仔，急急腳到一間西班牙餐廳會合。場內見到不少男男女女，分別面對面坐，男一排、女一排。

席上見心穎BB與坐對面的型男特別好傾，兩人不時甜絲絲對望，傾個不停，男方更逗得心穎頻頻露出甜美笑容，食至尾聲，他們還互相交換電話，食足三個多小時。心穎離開時見有記者，即尷尬揮手打招呼，然後乘港鐵返銅鑼灣攞車，期間見她不時低頭電話，未知是否與該型男傳情？

朱千雪驚訝

事後就Speed Dating致電心穎，她說：「有朋友生日，知道我單身冇男朋友，所以介紹男仔畀我識。（啲男仔OK？）都OK，全部都係溫哥華畢業返嚟香港做嘢，有啲做家族生意，有啲係Banker。（有發展機會？）第一次見！有啲會私下聯絡。我依家25歲，唔可以隨便開始一段情，要識耐啲了解吓先。（抗拒Speed Dating？）少少抗拒啦！我呢行好難識人，識多啲朋友都好。」

而朱千雪近期與心穎密密拍劇，經常齊齊開工，千雪驚訝對方能抽空出席Speed Dating：「佢係咪同朋友食飯咋？佢咁忙。（搵到男友會送祝福？）當然啦！如果佢搵到心儀對象就好喇！」