名模琦琦昨日出席馬拉松活動時透露，女兒Ella前日於學校運動會中跌傷：「佢成日同爸爸（任達華）跑，不過爸爸唔喺香港，所以我代爸爸陪佢跑，都跑咗好多個圈。」她表示女兒受爸爸影響，喜歡做運動，如跑步、游泳及打高爾夫球：「佢似爸爸唔似我。爸爸教佢打高爾夫球，我負責做啦啦隊。老公會特登輸畀個女，好似跑步扮跌倒、游水扮輸，等個女信心大啲、建立自信。」

琦琦爆女兒受老公任達華影響，相當熱愛運動。

提到早前《好報》獨家拍得任達華於深水埗睇舖，她說：「佢鍾意投資地產方面，成日都有睇。（有心儀舖頭？）有，啱就會買，佢唔會炒股，好腳踏實地。（你有冇畀意見？）冇，佢鍾意投資地產，我鍾意投資股票。我都好佩服佢嘅眼光，喺人哋唔睇好嘅地方佢都會買，佢所有嘅投資都係為咗令個女有更好嘅生活。」