藝人陳豪太太陳茵　再度懷孕，暫時仍未知BB性別，但他表示無論生仔還是女都同樣開心。雖然第二胎尚未出世，但他揚言會繼續造人，看來想生夠一隊足球隊！

琦琦（左起）、費列羅亞洲有限公司董事總經理（北亞區）Mr. Mauro De Felip、陳豪及市務推廣總監（北亞區）Mr. Spencer Lee齊齊擔任鳴槍嘉賓。

「Kinder+Sport大使」陳豪與琦琦作狀起跑。

陳豪透露懷孕四個月的陳茵媺安胎情況良好。

一眾參賽家庭打扮有趣，成功搶鏡！

琦琦、陳豪及汪琳等星級嘉賓為活動主持起步禮。

自爆會繼續造人的陳豪，見到大班小朋友即父愛氾濫。

琦琦（右起）及陳豪頒獎予一眾健兒。

已為人父的陳豪及名模琦琦昨日出席《Kinder+Sport童跑同樂馬拉松2014》，身為「Kinder+Sport大使」的二人除負責頒獎給一眾健兒外，更聯同費列羅亞洲有限公司董事總經理（北亞區）Mr. Mauro De Felip及市務推廣總監（北亞區）Mr. Spencer Lee一同擔任鳴槍嘉賓，為活動主持起步禮。

恨生女湊「好」字

連續兩年參與活動的陳豪坦言，明年考慮帶小朋友出席：「我好鍾意推廣親子活動，會帶佢四圍去，介紹個世界畀佢識。上次同佢玩滑梯，雖然佢未識玩，不過都想畀佢感受吓。」他又透露懷孕四個月的太太陳茵媺安胎情況良好。問到太太上圍是否豐滿了？他笑說：「OK，一直都Keep得好，好健康。」並坦言太太吸取了上次佗B經驗，今次輕鬆不少，但他作為「新手爸爸」依然感到十分緊張。雖然仍未知道BB性別，但他說：「我好開通，上天畀仔定女我都開心，係BB就開心。（係咪想湊夠個『好』字？）我都希望有女。（會唔會繼續造人？）會，我好願意接受上天派幾多個小朋友畀我。（有冇照4D超聲波？）冇，順其自然，唔會心急知佢性別，好似太太都堅持順產。（入產房？）一定會。兩夫婦要一齊面對生B，係好好嘅經歷。」

另外，提到有報道指舊愛廖碧兒搬到他附近居住，陳豪對此三緘其口：「Sorry，冇回應。我哋依家好開心，以前嘅嘢過咗去，希望個個生活都好。」