東網電視
更多新聞短片伍允龍、安志杰、許維恩及台灣演員馮媛甄等昨日宣傳新片《屍城》，伍允龍今次與安志杰合作默契十足，受訪時又大爆好兄弟瘀事﹕「有日拍戲放飯，安志杰竟然喺巴士頂跳落地，好彩跌倒前識卸力，如果唔係就頭落地先喇。」安志杰笑稱不會再「百厭」，一身肌肉的他指考慮接拍三級片求突破：「動作同爆粗都冇問題。（裸露呢？）睇錢囉！其實係考慮角色同劇本需要，冇話冇可能嘅。（預埋伍允龍？）唔預佢。」伍允龍聞言即說：「唔好預我。（驚比較？）哈哈，講高度呀？」
私交甚篤的伍允龍（右）與安志杰受訪時屢爆笑料。
以Tube Dress上陣的馮媛甄（左）騷肩又晒腿，許維恩即被比下去。
至於身穿Tube Dress搶鏡的馮媛甄聲線與林志玲相似，她靦腆地說：「沒有吧，可能台灣女生說話都比較新鮮。」她透露在毫無心理準備下於《屍》片作裸背演出。
