前亞姐張家瑩早前在銅鑼灣開設首間餐廳，雖然生意忙碌，但榮升老闆娘的她仍抽空到澳門探朋友及放鬆心情：「我去探朋友，順便去睇吓名勝古蹟！」慣常到澳門買手信和品嘗美食的她，今次行程決定搞搞新意思：「今次去咗婆仔街，因為朋友喺嗰度開咗間特色餐廳，入面有好多政府嘅文物，好古色古香！」其後她便與朋友欣賞葡萄牙歐陸建築及購買地道手信：「睇咗好多葡萄牙公雞圖案嘅產品！」並透露整個行程最難忘的是跟隨朋友到墓地遊覽：「佢同我講個墓地係澳門好出名嘅地標，我哋仲喺墓地門口影相，影出嚟竟然好靚！仲有種好寧靜嘅感覺。」她在最後一日大歎葡國菜：「朋友認識當地嘅葡澳人，食到最正宗嘅葡萄牙菜，仲見到當地人另一面！」

去澳門做咩最開心？梗係張家瑩帶你去買地道手信啦！

張家瑩暫時拋低餐廳生意，欣賞歐陸式建築之餘，順便在澳門抖抖氣。