組合Super Gear成員梁婉微（Milky）身形Fit到漏，原來她跟韓妹一樣愛食泡菜排毒：「因為泡菜有酵素，排毒功效好好，自己通常會朝早空肚食、清宿便，感覺到個人輕咗！」由於泡菜排毒功效顯著，所以Milky不建議大家當飯食：「我唔會日日食，因為咁樣對腸道會有好大負擔，一星期食兩至三次已經夠！」

Milky向又高又瘦的韓妹偷師，實行食泡菜排清體內毒素。

身形Fit爆的Milky靠做TRX練線條，一個月就Firm晒喇！

熱愛戶外活動的她不時出海曬太陽，更為操練身體線條而學玩TRX：「TRX算係唔太刺激嘅帶氧活動，喺屋企都做得，將條帶固定喺一個穩陣嘅位置就可以，自己都係上網睇住教學做！」她表示做TRX一個月已經見效：「呢條帶可以練到身體唔同部位嘅肌肉，自己主要練腹肌同股肌，依家做咗個幾月，Feel到嗰啲位Firm咗，線條都靚咗！」