藝人唐詩詠及蔡思貝等昨日於無綫電視城為新劇試造型，期間詩詠自爆以電話攻勢鼓勵洪永城，而「發電廠」思貝更自爆新花名為「貝Baby」！

以交通女警裝扮試造型的唐詩詠，自覺「好有型」！

將與黃德斌「飛車」的敖嘉年一身黑，造型Cool爆！

袁偉豪（左起）、唐詩詠、蔡思貝及黃德斌在劇中將有多幕駕駛電單車的戲。

洪永城

藝人唐詩詠、蔡思貝、黃德斌及周子揚等，昨日於電視城為無綫新劇《當鐵馬遇上戰車》試造型。擔正女主角的詩詠大呻為該劇學電單車而令美腿受傷。她說：「好難學，一反車就壓瘀隻腳！要袁偉豪指點我。（學完買電單車？）儲錢買樓先。」

蔡思貝自認發電廠

問到緋聞男友洪永城有否帶她「遊車河」，她自爆曾致電鼓勵對方：「睇緣分。佢（拍劇）好大壓力，我有打電話鼓勵佢。」

至於同場的蔡思貝則表示為了預備角色，曾請教現役警員：「我爸爸係警察，佢搵真嘅交通警同我傾偈，教我搵感覺。」問到被封「發電廠」的她會否怕傳緋聞，她說：「唔驚，套套（劇）都傳。（你係發電廠？）係，我喺劇入面叫『貝Baby』！」

而擔任男主角的黃德斌透露，為了劇集特地考取電單車牌，更會親身與敖嘉年「鬥飛車」。而周子揚被問到有否與「舊愛」何傲兒發展地下情時，他雖否認戀情，但稱會與對方以短訊聯絡。