現年59歲的任達華準備再買靚舖做「舖王」！在深水埗基隆街已有3舖在手的他，睇中一個開價2,700萬港元的靚舖，問到是否想買起成條a街，華哥笑說：「承你貴言！」

華哥同老婆琦琦到英國遊玩，非常開心！

任達華被《好報》拍得睇2,700萬港元的靚舖，掃足深水埗成條街。

縱橫影圈近40年的「華哥」任達華，在圈中出名對投資房地產十分在行，手持30個不同國家物業的他，身家更多達5億元。日前他被《好報》拍得再度準備入市掃舖，與助手到深水埗實地視察。本身在基隆街已有3舖的華哥，對一個開價2,700萬港元的700呎吉舖大感興趣，華哥除以手機拍下舖位捲閘上的地產經紀廣告外，又吩咐助手到附近地產舖查詢，但最終因沒有鎖匙而未能入內視察。但誓做舖王的他並未放棄，繼續在基隆街搜索值得投資的靚舖 。

做埋導演

據悉，華哥最近以１億元簽約英皇娛樂五年，購置物業喜歡穩陣的他曾表示「一有錢就買，一層樓要一千萬，我會畀七至八成」。華哥現時有3齣電影拍攝中，要分別到內地及台灣取景，稍後更會執導英皇新片，是繼去年聯合執導《迷離夜》後再當導演，今次更是單獨執導電影長片，自導自演的華哥將忙上加忙，難怪他趁空閒即密密搵舖，絕不錯過任何入市時機。

另外，他和老婆琦琦結婚多年恩愛非常，兩夫妻更識歎世界，日前他們到英國遊玩，更在微博晒相，見他們舉晒V又跳起身影相，認真搞笑！對於以1億簽英皇電影藝人部，任達華笑說：「實際數目唔會講，總之我哋講感情唔講錢，大家合作得好開心！（5億身家？）身家都同我計埋，唔講啦！（就快買起成條街？）不嬲都有投資，承你貴言！」而太太琦琦對於老公任達華被揭在深水埗「掃街」，她大讚老公之餘，更露口風說：「佢喺新蒲崗都買咗啲嘢，話睇中嗰度有郵輪碼頭，佢眼光真係好長遠、好準，咁都要多謝有個好老闆楊生，同埋有個幸福家庭支持！」