陳豪與太太陳茵媺（Aimee）、楊怡、羅仲謙及郭晉安等昨晚出席前無綫經理人陳嘉莉婚宴，楊怡及謙仔當場被催婚，他們即扮傻避答。大肚Aimee穿平底鞋到賀，表示未知BB性別。

楊怡和羅仲謙難得孖住現身，即被催婚。

前無綫經理人陳嘉莉和男友結婚，麥玲玲到賀。

Aimee表示未知BB性別，老公陳豪笑說生仔生女都冇所謂。

拖手到場的鄧健泓與石詠莉發現記者後立即縮手。

前無綫經理人陳嘉莉與尹姓男友昨晚在黃埔酒店舉行婚宴，筵開18席慶祝雙喜臨門，不少圈中人到賀，包括陳豪與太太陳茵媺、楊怡與男友羅仲謙、郭晉安與老婆歐倩怡、鄭嘉穎、鄧健泓與緋聞女友石詠莉、崔建邦、楊婉儀與老公和麥包與太太等。最近在上海拍《梟雄》的吳卓羲請假返港，而嘉莉與「仔女」楊怡、陳豪、安仔及卓羲合照時，感動得眼濕濕。

茵媺未知仔定女

甚少在私人聚會同場的楊怡與羅仲謙並肩而至，又大方合照，問到送甚麼予一對新人？他們說：「做人情，包含晒所有心意！」楊怡說：「好開心阿媽終於嫁得出！（幾時到你哋？）吓！上去睇吓新娘靚唔靚先，再話畀你哋聽。」問到謙仔為何肯與楊怡齊齊出現？他說：「因為大家都識佢，係喜慶事。（幾時到你？）等我醉咗，你先問我啦！」

懷孕的Aimee穿平底鞋並開始見肚，問到送甚麼禮物？她即搞笑表示漏了在車上，陳豪則說：「總之係好嘢！（傾BB經？）都會分享婚姻經驗同做家長嘅Tips。」問到再佗B的感覺，Aimee說：「有少少辛苦，又要照顧囝囝，都幾攰。（仔定女？）未知，仔女都冇所謂。」陳豪亦表示仔女都好，最緊要有「開心Family」。

健泓詠莉閃縮拖手

郭晉安則表示送上鑽石頸鏈，代表永恒，問到會否分享夫妻之道？他說：「佢以前照顧得我哋好好，相信照顧老公都會好叻。（同佢對親家？）太長遠，遲啲先算啦！」至於鄧健泓與石詠莉拖手到場，其後發現記者即時縮手，但仍企定定影相。