名模諸葛紫岐與藝人陳家樂昨日齊齊寄失行李，不約而同在微博吐苦水！諸葛連發多則微博並上載谷氣相，力斥航空公司對寄失行李處理不當：「一間航空公司最基本要求就係將客人行李安全送去目的地，連最基本嘢都做唔到，真係好離譜。」她透露早前到美國公幹後返港時，發現其中一件行李寄失，航空公司曾表示翌日可送回，但事發至今第六日仍下落不明，航空公司只叫她等電話：「我話可唔可以畀賠償個電話我打去，佢又唔畀，淨係畀張表格我填！我日日打去問搵唔搵到，好似我哋口偽番佢咁，但佢哋唔會主動聯絡我。」諸葛指今次幫朋友帶很重要的東西返港，現時不知如何交代，更遑論賠償給朋友。而陳家樂昨日透露前往銀川後發現行李寄失，因要到沙漠工作，自嘲祝自己好運。