「鬼妹」陳明恩天生皮膚白晳，根本不用擔心美白問題，平日亦不用光顧美容院，她覺得做藝人經常要化妝，每晚最重要是做好面部清潔。

陳明恩

鬼妹教大家做眼部運動，但係……做到鬥雞嘅？

陳明恩

鬼妹以前有二百度近視，依家連眼鏡都唔使戴，靚晒！

除此之外，她又特別注重眼部保養：「我哋成日要拍嘢影相，加上玩智能手機，雙眼好容易攰，而且會冇晒神，上鏡就唔靚。」

有見及此，鬼妹稱特地搜羅一些專攻眼部運動的錄音帶回家跟着練習：「入面係一啲要你將對眼由近到遠望住特定物件，又或者睩大隻眼慢慢咁順時針望，用意係靠拉緊同放鬆眼部肌肉，令對眼好似Restart咁。」鬼妹又稱每天跟着做一系列的眼部運動後，本來二百多度的近視，現在已經消失得無影無蹤！

談到近視，她又有小貼士給大家：「配眼鏡或者隱形眼鏡時，度數最好揀比自己近視度數低五十度，因為咁樣可以逼自己對眼慢慢習慣，否則近視只會愈來愈深。」