泰國向來都是港人的旅遊勝地，模特兒鍾采羲（Iris）一年會去幾次，除了陽光與海灘外，最愛是當地美食，每次出發前都會食指大動。Iris上月又與兩名同性閨密到曼谷Relax，順道Clubbing一番，感受當地夜生活，她更大讚當地男仔質素高：「嘩！曼谷去親Clubbing嘅男仔都好靚仔、好Nice同Gentleman，最緊要係佢哋冇乜機心，所以大家都傾得好埋，我仲Add咗佢哋Facebook添！」

Iris大讚泰國的夜景可媲美香港。

Iris（左）偕兩名閨密整裝待發落Club玩，感受泰國的夜生活。

Iris（右）在享受陽光與海灘之餘，亦大騷激凸身材。

在泳池中暢泳的Iris享受悠閒一刻。

談到泰國美食，最鍾意食海鮮的Iris說：「泰國海鮮又平又新鮮，今次去到幾乎餐餐都食，試過有個人仲隊咗成隻龍蝦刺身添！」提到下一個好去處，她希望去愛琴海：「下次應該會短短哋去韓國先，跟住就Plan去愛琴海，夠浪漫嘛，細個已經好想去！」