粵劇名伶蓋鳴暉早前率劇團到日本演出，其反串造型更迷倒不少日本女觀眾，演出空前成功。盛世天戲劇團主席李居明透露，下一站將到台灣及杜拜演出，不惜工本將粵劇推向全世界！

蓋鳴暉於新光戲院大劇場演出《蝶海情僧》首場演出，吸引大批粉絲支持。

蓋鳴暉（右二）獲日本大阪觀光局邀請到日本演出，寓工作於娛樂。

粵劇名伶蓋鳴暉前晚偕吳美英及盛世天戲劇團主席李居明，出席假新光戲院大劇場舉行的粵劇《蝶海情僧》首場演出，吸引不少粉絲一早包圍戲院等偶像，主角蓋鳴暉亦識做地與大家握手，又興奮地舉手晒V！

食魚生慶功

提到早前獲日本大阪觀光局邀請，台前幕後共88人到福井及大阪表演劇目，獲近300名粉絲組團赴日睇騷外，演出大受日本粉絲歡迎，觀光局局長於是請他們品嘗魚生作慰勞。

觀眾感動到喊

日本演出空前成功，李居明表示將繼續出埠公演，並已獲台灣及杜拜方面邀請，又盼將粵劇帶到全世界。問到投資會否很大？他說：「只要幫粵劇踏出歷史一步，已經好光榮！做新光冇諗過賺錢，係用嚟蝕，我嘅格言係三十年搵錢，三十年回饋。」並稱不少日本觀眾感動得用紙巾拭淚，很多人更讚蓋鳴暉的反串扮相，因此多了大批日本女Fans。蓋鳴暉表示雖然日本觀眾不懂粵語，但配合字幕和身體語言，也感受到演出者的情緒，並讚日本觀眾夠投入，睇騷時絕不會玩手機，完騷後更不願走。

另外，對於「鋒菲戀」復合，身為風水師的李居明卻不睇好：「佢哋只可做情侶，不可做夫妻，會各自有姻緣，有傳王菲有料（懷孕），唔會係，佢一有就會同另一半分手。另外，霆鋒同張栢芝2016年要注意健康同安全，栢芝有子女運安慰都好啲，霆鋒尤其要注意。」