祖藍跳樓梯傷腳踝

王祖藍昨日坐輪椅與薛家燕、何傲兒及周子揚等為無綫節目《Sunday扮嘢王》宣傳，並公布最後一集的獎金獎品總值高達逾214萬元。祖藍透露因昨日凌晨在內地拍攝內地版《Running Man》跳樓梯時弄傷左足踝，幸好未有傷及筋骨沒大礙。提到有傳最後一集冇騷錢，祖藍澄清之餘並覺是食死貓：「第一日已經知道最後一集係安排獎金獎品，係有啲傳媒同我哋關係唔係咁好，搵啲事嚟挑起紛爭乜都鬧，真係唔開心！同家燕姐諗住做好事，有個平台畀大家發揮，但係都被抹黑，呢隻死貓真係啃唔落！」同場的何傲兒與「前度」周子揚被要求合照時勁尷尬。