前DJ兼大會司儀Kawaii分享在台灣的難忘經歷，遇上一位極之熱情的的士司機：「佢車我返酒店嗰陣不斷同我傾偈，之後連續幾日都專登嚟等我，好似變咗私人司機咁，返到香港都有再搵我。」問到對方有否機會做男友時？她即笑說：「佢年紀睇落都幾大吓，可能當我係佢個女啫！」

Kawaii下月將赴台灣參與劇集開鏡。

Kawaii已經有一段時間沒有到過台灣，但下個月將會到台中參與劇集開鏡儀式，她說：「其實未落實嘅，睇吓到時有冇時間啦！同埋因為之前只係拍過電影，未拍過電視劇，怕自己唔識點樣就啲Camera，但對方就叫我去咗開鏡先。」