華姐冠軍鄧佩儀出席台灣旅遊活動剪綵時自爆一段青澀時代的小情緣，曾經暗戀過同班的台灣男同學，更與對方同時期入行勁有緣，隨時有機會在工作再次相遇！

鄧佩儀自爆暗戀對象是現時台灣男子組合的成員，大家快啲起佢底！

新地代理租務部推廣經理陳穎欣（後排左四起）、鄧佩儀、台灣觀光局香港辦事處主任巫宗霖、連詩雅與台灣觀光協會會長賴瑟珍台上合照留念。

連詩雅與鄧佩儀即場炮製龍鬚糖，拉吓扯吓又似模似樣喎！

華姐冠軍鄧佩儀（Gloria）與歌手連詩雅昨日到東港城，為《宜蘭花蓮手手後花園》活動剪綵。兩人雖從未到過宜蘭花蓮，但對當地的地道小食就情有獨鍾，即場試食三星葱蛋卷及飛虎魚丸湯，Gloria說：「我雖然未有機會去過台灣，但之前喺溫哥華會定時有啲台灣小食嘅夜市，當時試食過飛虎魚丸湯。」兩人食飽飽後，即場落手落腳跟師傅學整「龍鬚糖」，並派給其他嘉賓試食，其後聯同台灣觀光局香港辦事處主任巫宗霖先生、台灣觀光協會會長賴瑟珍小姐及新鴻基地產代理租務部推廣經理陳穎欣小姐一同為活動剪綵。

恨單車環島遊

Gloria表示唯一一次踏足台灣是到當地轉機，雖未能完全感受當地人的熱情，但率先品嘗過地道的鳳梨酥：「平時好少收到台灣手信，但鳳梨酥真係好好食！我都計劃同朋友一齊去台灣旅行，特別想去當地嘅夜市同埋溫泉。」她又透露在溫哥華讀書時認識了不少台灣朋友，約定若有機會到當地旅遊便會為她帶路，自己對台灣最嚮往的是踩單車環島遊。

齋煲「教主」劇

提到不少人愛追台劇，原來Gloria亦有煲劇癮，她直言最愛「可愛教主」楊丞琳：「細個會睇台劇，好鍾意楊丞琳，由《惡魔在身邊》開始就套套都追！（男演員呢？）冇特別鍾意。」問到會否想識台男做男朋友？她自爆讀書時曾經暗戀一位同班的台灣同學：「佢喺台灣出世，過咗嚟溫哥華讀書，覺得大家特別有緣分，因為我去參加選美嘅時間，佢就返咗台灣比賽，到依家我喺香港開始發展，佢就成為咗台灣男子組合嘅一員。」