Roy目前於伊利沙伯醫院羈留病房留醫，對於他康復後會否被送到荔枝角拘留所，黃國桐律師指他可向法庭申請外出：「佢十月三日先上庭，可以向法庭申請外出，但有三個條件：第一唔可以騷擾證人，第二唔可以返屋企，要去另一個地方住，第三要定時向警方報到。所以佢應該極大機會會申請，一般情況下法庭都會酌情畀佢保釋外出。」他又表示家人可隨時探望Roy：「因為依家未有任何判決，所以家人同律師都可以去探佢。」
