形象青春健康的陳嘉寶（Anjaylia）深受廣告商歡迎，年初接拍無綫劇《女人俱樂部》令她人氣急升，過去半年接了7個代言廣告及30個商演，吸金逾300萬元，難怪家住將軍澳屋邨的她早前透露有意置業。

半年已勁賺三百萬元的Anjaylia試揸靚車。

《東網》ontv跟蹤部隊發現Anjaylia日前到尖沙咀Audi分行，穿背心短褲的她對一部價值60多萬元的房車情有獨鍾，男經紀在旁講解汽車性能。

Anjaylia火速坐到司機位試車，並細看車廂設備及調校倒後鏡，又打開車尾箱觀看，期間不時咬手指及嘟嘴，似向經紀施冧功爭取折扣，她說：「呢排工作忙要周圍去，需要一部車代步。睇中部60幾萬嘅，因為駕駛經驗唔夠，經理人叫我咪買太貴。原本預咗買樓，但依家買車迫切啲！（叫金融才俊男友黃頌祈資助？）唔會，我又唔係賺唔到、儲唔到！」