三名年輕港女最近參加有線節目，年僅18歲的國際旅遊小姐Omi、「英文港女」Ruby及「狂舞少女」Michelle經過重重考驗後，已被改造的三人已成功戒甩公主病！提到節目要食蟲及活捉田雞，她們回想起亦毛管戙！

講錢傷感情！已結成好友的三人一樣冇情講，定必盡力搶奪十萬蚊冠軍獎金！

戰鬥力驚人的Michelle為咗贏比賽大啖食蟲，勁呀！

躁底的Ruby參與真人騷後，耐性大有改善。

錢嘅威力到底有幾大？足以令Omi徒手捉青蛙！

有線真人騷節目《十萬港女大作戰》進行了一段時間，十多位港女為夢想接受連串膽識及體力挑戰，經過多輪淘汰賽，18歲國際旅遊小姐Omi（鄺芷凡）、曾寸爆老師英文差而在網上爆紅的Ruby（鄧凱旻），以及舞蹈狂熱少女Michelle（關希敏）仍然留低參賽。

她們日前以泳裝在石澳進行拍攝，提到節目不但要飛越山崖、澗水划艇及洗廁所，還有在韶關行泥沼、食蟲及捉田雞等可怕考驗，她們均表示終身難忘，Omi說：「我嘅死穴係青蛙，嗰日要我去捉田雞真係驚到喊，現場又黑仲有棺材，成個氣氛好恐怖，我覺得其他女仔好勇敢！」戰鬥力十足的Michelle為勝出不惜大啖食蟲，令人睇到眼凸凸：「我本身連內臟都唔食，但見到隊友唔郁，於是我一次過食晒佢！原來我咁大膽！」

PMichelle學識自己拎袋

經過幾個月的「非人特訓」後，她們揚言已戒甩公主病，成長不少的Omi說：「開頭都唔認係港女，但發現自己真係有公主病，好多嘢嫌三嫌四，有怨言，依家進步咗吃得苦！」本身躁底的Ruby直認脾氣大，但耐性已有改善。Michelle則笑說：「我以前會叫人幫我拎袋，又要搭車唔鍾意行，但參加咗個節目冇得咁，所以都戒咗。」