黎明昨晚為腕錶品牌擔任剪綵嘉賓，據知品牌以超高價力邀他出山，直言不講錢的黎明未有正面回應。他透露忙於電影工作：「有時間會唱歌，唔啱嘅歌不如唔唱，大家有自知之明，我唔係唔唱，好歌唔怕唱，有十隻啱嘅歌畀我唱都會出碟，但寫歌冇素材。」問到感情生活，他指工作便是其生活，並不急於發展感情。

黎明提到愛將衞蘭的減肥進度時指對方最重要是把聲，太大壓力反而減不到。

提到鋒菲復合，他說：「我都唔會分享感情事，更唔評論人哋，交番畀人哋處理，我係行內人，好公平。（網民想你同舒淇復合？）唔使猜測，觀眾唔知，無從稽考。」他早前頒獎予馬德鐘兒子，惟對方表示不知誰是黎明，他稱不會介意：「呢個唔係重要議題，冇緣分就唔使見到對方，冇需要見，點解要識呢？」同場的鄧愛嘉透露11月在北京結婚，計劃兩年後生B。