謝霆鋒和王菲世紀復合，霆鋒前妻張栢芝斥他不是好父親，對此好友徐濠縈前晚出席活動時表示，看報章才知二人復合，她暗撐霆鋒：「人哋家事我唔評論，我又冇親口聽栢芝講，但以我所知霆鋒幾關心個仔，有時見面佢都畀仔嘅相我睇！」而曾當霆鋒及栢芝證婚人的音樂人郭偉亮及太太葉佩雯贊成「鋒菲」復合：「霆鋒同栢芝都係要向前行。（栢芝數臭霆鋒？）會過去的。（介紹男仔畀栢芝？）冇時間，呢排少聯絡，佢去咗新加坡。」問到有否覺得「鋒菲」保密工夫做得好？他說：「我諗除咗佢哋應該冇人知，冇人知會發展順利啲嘅！（做佢哋證婚人？）應該唔會，唔關我事。」此外，馮德倫前晚現身另一活動，聞「鋒菲」復合即叫好：「好好，非常好！佢哋開心就得，唔需要諗太多。」但有網民希望女友舒淇和黎明復合？他即說：「唔好唔好……唔好問我呢啲！」

阿徐力撐霆鋒錫仔。

霆鋒與王菲復合，圈中好友都表示支持。

葉佩雯、郭偉亮