張繼聰日前參加慈善籃球賽時不慎咬傷脷，有隊友教他戴牙膠即可再落場，但太太謝安琪（Kay）得悉後即致電鬧爆其隊友，並對阿聰說：「如果你敢落場，我就即刻幫你宣布退休。」

Kay鬧爆老公隊友之餘，亦嚴禁阿聰落場。（資料圖片）

舌頭縫了5針的阿聰展示傷勢。

阿聰（右起）與史達侯斯和小方合照，高低立判。

歌手張繼聰與方力申前晚出席體育節慈善籃球賽，同場有已退役的美國NBA球星史達侯斯（Jerry Stackhouse）及美國花式入樽明星Easy J專程來港出席活動。小方帶領球隊獲勝，而大前晚參與另一慈善籃球賽、不慎咬傷脷的張繼聰坐「冷板櫈」。阿聰說：「嗰日返到屋企覺得唔對路，又有好多工作，有啲擔心，所以自己揸車去睇急症！醫生見到傷口就問我，玩咩玩到咁？我又想快啲好，咪縫咗5針！」問到太太謝安琪是否知道他受傷？阿聰指Kay當日從內地工作返港已得知，當護夫心切的Kay知道隊友叫他戴牙膠落場比賽時，即致電鬧爆其隊友，更對阿聰說：「如果你敢落場，我就即刻幫你宣布退休。」問到脷受傷會否阻礙與太太咀嘴？阿聰笑說：「唔係下下都舐o架！」

小方自嘲「錫身型」

至於同場的小方則表示有慰問阿聰，亦知道Kay要阿聰休養。問到打波曾否受傷？小方笑說：「冇，阿聰係進取型，我就係錫身型！」問到女友鄧麗欣（Stephy）會否睇他打波，小方說：「冇，游水就睇過！」