林夏薇、羅仲謙及蔡思貝上周出發到台灣為無綫劇集《衝線》拍外景，到埗後，當地便受颱風「鳳凰」吹襲，原定昨日在宜蘭的拍攝因而取消，獲得額外假期的演員相約出外遊覽。

首度到台灣的林夏薇，由於打風而獲得在當地遊覽的機會。

有「老闆」謙謙（左三）在場，《衝》劇演員開心食「免費餐」。

首度踏足當地的夏薇，昨午見雨勢減弱即時「吹雞」，與米雪及陳奐仁到寺廟參拜，夏薇更誠心地求籤，希望事事順利，她說：「今朝好大雨，之後就細咗，唔太擔心，係宜蘭嗰部分取消咗！相信進度OK！不過都拍得輕鬆，唔使開嗰時同佢哋去101同其他名勝行吓，食咗好多地道美食！（唔擔心地溝油？）唔擔心得咁多！嗰晚阿謙請大家打邊爐，今晚輪到我請台式料理!」

請食飯的謙謙表示與曾傳緋聞的蔡思貝同場不尷尬：「都冇嘢要尷尬。（打風因禍得福？）係呀！都係晏晝去食餐飯，之後返酒店瞓覺！」