性感武打女星陳鈺芸（JuJu）遭人盜用「爆乳照」在社交網站徵友，氣憤難平的她為免相片被用作不道德用途，故公開事件以正視聽！近日她更跟混血女星Maggie Q齊齊打入《荷里活亞洲女星榜》，為她進軍荷里活的大計打下強心針！

跳出香港的JuJu與Maggie Q齊齊「打」入《荷里活亞洲女星榜》。

Maggie Q

JuJu（左）與原麗淇因拍戲而成為好友。

JuJu的爆乳相被台灣網友盜用，激嬲JuJu公開事件以正視聽。

在新西蘭拍戲的JuJu跟著名導演Peter Berg學泰拳。

目前仍在新西蘭拍攝電影的JuJu，最近發現一名台灣女子「高敏莙」在社交網站上盜用她的相片交友，當中大部分更是JuJu的「爆乳照」，因而引來不少「假JuJu」的網友留言「你好性感，很漂亮。」及「你要結婚嗎？」

大受困擾的JuJu接受長途電話訪問時說：「我覺得好似被偷嘢咁囉，喺我Facebook偷咗成2、30張相再放喺自己個網頁度，我最擔心係有人用嚟做啲唔好嘅嘢，咁我咪好無辜！所以我一定要公開呢件事同向有關方面投訴，要求嗰個樓主刪咗我啲相。」

問到現時拍戲進展如何？JuJu透露每日忙於練功及拍攝，但因為簽了保密協議，故不能透露太多。不過她表示拍西片比港產片清閒，不用開工時她可以四處遊覽，早前她便去了騎馬及跟荷里活著名演員兼導演Peter Berg學打泰拳。

而JuJu最開心是與同片女演員、影壇前輩鄭佩佩的大女兒原麗淇成為閨密：「其實同原麗淇之前都識，不過嚟到新西蘭之後，大家都鍾意食生蠔同飲紅酒，所以變得更加熟稔！」

與Maggie Q齊名

此外，JuJu、原麗淇和Maggie Q在美國電影網站中的網路電影資料庫中，齊齊打入《40歲以下荷里活亞洲女星榜》的頭40位，JuJu對此非常興奮：「好榮幸，其實喺新西蘭期間有好多西片商搵我，令我好有信心躋身荷里活影壇，總之我會繼續努力！」