無綫藝人黃建東（Derek）早前自薦參加《Sunday扮嘢王》，希望觀眾發掘另一面：「其實我唔係只係好似《食為奴》同《忠奸人》咁只做奸角，我幾有可塑性！以前做舞台劇同拍《瘋狂歷史補習社》都試過扮女人、阿伯同BB，希望畀大家認識到我搞笑嘅一面，所以一睇到公司招募，即刻第一時間報名！」勇於挑戰的他更挑選與自己南轅北轍的羅文來模仿：「雖然身高同身形同羅文完全唔似，但佢嘅唱腔同台風都好有個人特色，係幾好扮！我睇咗過百條羅文嘅片先去比賽，有信心捕捉到佢嘅神髓，慶幸家燕姐（薛家燕）同王祖藍都掹我入組，再辛苦都值得。我扮羅文嗰輯《Sunday扮嘢王》九月尾會播，希望觀眾睇完畀意見！」

過往一直做奸角的黃建東，希望讓觀眾看到自己搞笑的一面。

黃建東揀身形相反的羅文來挑戰，但他有信心捕捉對方神髓。