歌手若琪日前出席青少年音樂大賽時獻唱新歌《我是你存在過的證明》，她表示新歌創作意念是紀念已故父親，希望能表達出珍惜：「有時回顧番都會覺得自己對爸爸未必最好，有好多遺憾，依家都會抽多啲時間陪媽媽。」並指與糖妹是舊相識：「細個嗰時好鍾意玩歌唱比賽，比賽時我已經識糖妹（黃山怡），到依家大家又同一間公司！」更大爆被糖妹當眾「出賣」：「後來糖妹喺Star Hall開音樂會，居然未經我同意就播啲我冇化妝嘅舊片，我走去問佢，佢就一笑而過！」

若琪投訴糖妹將她的素顏片放在音樂會上大播特播。