Barbie博做星女郎同思浩合照驚青

「寸嘴Barbie」夏尉喻昨日接受梁思浩主持的nowTV節目訪問，提到日前在周星馳新片《美人魚》演員招募中贏獎，將有機會演出，Barbie直言心情興奮，問到可否叫她做「星女郎」？她笑說：「未敢，一日未簽約都有變數。（怕等好多年星爺都唔拍？）睇緣分，但我覺得我適合做美人魚，可愛甜美又識Rap！」不過，早前思浩咒星爺落十八層地獄，問Barbie會否怕被拖累冇得撈，思浩插嘴說：「同我合照你都大鑊！」Barbie即大感慌張：「大家畀條生路我！（驚？）滴晒汗！我好被動！公司叫我嚟咋！」並擦鞋讚星爺是智者又幽默。