名模Rosemary、貝安琪（Ankie）、莊思敏、鍾舒漫（Sherman）和鄭希怡等，昨日盛裝出席化妝品牌活動，身為壽星女的Rosemary表示察覺好友Ankie及未婚夫Jason為她的生日準備了驚喜：「咁啱Jason下晝話唔係好舒服，加埋Ankie又約我慶祝，所以我覺得佢哋有種怪怪哋嘅感覺，應該係有啲嘢。」她隨後感慨表示這是人生中最後一個單身生日：「前日都有同朋友去飲嘢預祝。（生日願望？）希望繼續快樂、有正能量同最重要有Smooth Wedding 。（婚期？）確實日子未定呀，不過會年底簽字，下年擺酒。」另外，和妹妹鍾舒祺一同現身的Sherman表示妹妹已返港個多月，並會參與她即將發行的大碟，又自爆充當了妹妹的保母，照顧其起居飲食。

Rosemary獲小妹妹吻賀生日，非常甜蜜。

Ankie諗定生日驚喜送給Rosemary。