陳豪前晚出席時裝品牌Ted Baker活動，為時裝騷打頭陣及壓軸行騷，問到酬勞是否開心價？他說：「OK啦！我唔係好睇價錢。（刻意減肥？）少少成果，努力中。（太太陳茵媺成日煮消夜畀你？）唔係，開頭湊BB唔慣，依家適應咗，放縱吓自己！」談到無綫資深藝人關菁心臟病逝世，他坦言不知道：「佢對人好好，我哋合作好多，好愕然。」同場欣賞時裝騷的楊洛婷罕有與男友Dear Jane主音Tim一同出席，她說：「啱啱有朋友同我講覺得嗰個人好靚仔，我話佢係我男朋友嚟！」問到何時拉埋天窗時，Tim笑言自己「標晒汗」：「到時會同大家講！」而林德信（Alex）表示最近與友人合作拍攝瑜伽生活節目：「我負責製作，依家開始拍緊，將會搵地方播出。」

陳豪為時裝騷打頭陣及壓軸行騷搵奶粉錢。