黃秋生前日啟程到上海為無綫劇集《梟雄》拍攝外景，因為覺得機票及酒店房間與之前定好的條件不符，令他非常失望，未料半夜得悉無綫企業傳訊部副總監曾醒明對外說：「可能秋生哥同接洽人溝通不足。」令他更感莫名其妙，他說：「下面啲人努力緊解決問題，上面就撩交嗌，係我溝通有問題？明唔明節目巡禮講咗有外景，同外景有咩條件內容，根本係兩回事！（影響拍攝心情？）現場個個好努力，監製王心慰好辛苦，好大壓力，我擔心佢健康，我只希望上面唔好再火上加油，我哋快啲拍完佢，返香港！」

秋生（圖）對曾醒明的言論，有所意見。

曾醒明

監製王心慰表示「秋生冇嘢」！

身在上海的王心慰昨日說：「秋生冇嘢，開咗工啦！尋晚（即前晚）拍啲簡單動作場口，好順利。（同秋生傾番件事？）冇，見到佢同佢講：『你平安到達喇！』」王監製又指秋生昨日沒有通告，今天才繼續拍攝。