馬國明及唐詩詠昨日前往上海拍攝無綫新劇《梟雄》，馬明早前被《好報》踢爆密會寰宇小花徐佳琦兼送返香閨，被撞破後，馬明直認與對方再未有見面，即被唐詩詠取笑「影張相咁易嚇親」!

馬國明秘戀冇下文，講起都冇癮！

早前馬國明被《好報》拍到密會徐佳琦。（資料圖片）

馬國明被唐詩詠揶揄，只能笑笑口硬食！

馬國明與唐詩詠昨晨十時許現身機場出發到上海拍無綫新劇《梟雄》，馬明早前被《好報》踢爆密會寰宇小花徐佳琦，駕車送女方回住所，又有指兩人秘戀11個月，戀情見光死。昨日馬明堅稱：「冇（秘戀）呢件事！（短訊聯絡？）短訊有，但嗰次之後冇見過面。（影到相嗰次？）係呀！嚇親，唔好話佢嚇親，我都嚇親！」唐詩詠即揶揄他：「影張相就咁易嚇親！」馬明被問到是否變相冇着落？他笑說：「我諗住喺上海收收埋埋搵個！跟住結婚嗰日就公布。（唔敢車人返屋企？）又唔會，如果順路，我覺得係Gentleman表現。（再約佢？）我都上上海，起碼個幾月後嘅事啦！」詩詠提到患上「貝賽特氏症」的黃浩然昨日出院，她希望對方可康復出席《大藥坊》宣傳！

出埠補錢住單人房

談到黃秋生不滿要補貼五星級酒店嗌罷拍，馬明指無綫拍劇一向依照一套模式進行：「跟TVB拍劇不嬲都唔會畀得好靚（指酒店），可能我咁多年都係TVB，我就慣咗！」又自言多數是補差價住單人房。而唐詩詠則說：「公司對演員同劇組都一視同仁，冇理由Crew就住三星，演員就五星。我地都跟Crew一齊住，我覺得都Fair！」