葉玉卿約法三章

性感女神葉玉卿育有一女二子，其中15歲大女胡芷欣（Victoria）遺傳了母親的美貌和氣質，盡得母親真傳。卿卿透露Victoria每晚都會跟她一起睡覺，更持續了14年之久。不過，小女孩已長得亭亭玉立，進入反叛期，更開始拍拖，令卿卿與老公胡兆明一度感到懊惱！

卿卿表示早前已察覺女兒疑似拍拖，如不再跟她一起睡，更經常玩電話發短訊：「踏入青春期，佢好似一夜之間變咗咁，最初都唔適應，但又想佢獨立，慢慢接受咗都覺得係好事嚟。」她未有阻止女兒拍拖，更邀請她的男友仔來家玩，但就跟女兒「約法三章」：「一開始見面，我都好緊張，但我訂咗啲規矩，例如唔可以兩人鎖喺房、有啲嘢唔可以做、唔可以閂門同太親密。」她表示女兒的男友仔是日韓混血兒，父母都是醫生：「佢係個好Cute嘅男仔。」她又表示女兒把男友形容為「Best Friend」，令她大感放心：「因為大家都細，唔係話要談婚論嫁。」

老公變呷醋「外父」

卿卿坦言老公胡兆明對女兒拍拖感失落：「一嚟係因為妒忌啦，同爸爸冇細個時咁親密，又擔心個女太早拍拖。不過管得愈緊就會愈反叛，所以寧願好似朋友咁相處。」她又表示子女就像「上幾輩子的情人」：「永遠都咁靚咁好睇。（會唔會考慮畀佢哋入娛圈？）唔會特別反對，Victoria有講過想做Model，但又怕佢未讀完書應付唔嚟。」對子女長大變得疏離，卿卿大表感慨：「大仔13歲都變咗聲，細仔11歲都仲會黐我。」

另外，天后王菲17歲女兒竇靖童已長得亭亭玉立，早前來港放假的她不時現身銅鑼灣鬧市。但童童非但沒有因為掛住拍拖唔理阿媽，近日更與王菲到雲南大理遊山玩水。