黃浩然因患上「貝賽特氏症」而入院兩周，因病減磅的他昨日精神奕奕地出院，問到是否已完全康復？他說：「醫生檢查晒啲指數，心、肝、脾、肺、腎都正常，但瘦咗十幾磅。（會做運動？）唔適宜做劇烈運動，但接送囝囝返學絕對冇問題。」有指此病會導致血管發炎，嚴重者更可能會令性器官潰爛，浩然說：「八月去澳洲為無綫宣傳時，口水都吞唔到，維持咗10日。（生殖器有問題？）大家都好關心呢樣嘢，慶幸心臟冇事，生殖器都唔使擔心！」

黃浩然獲工作人員送上慰問卡，離開時向記者揮手道別，精神不俗。

黃浩然

無綫在現場派員向浩然送上慰問卡，他對辭演無綫劇集《張保仔》大感可惜，並祝福劇組拍攝順利，又自爆戥太太辛苦：「佢畀人跟到飛起，又要湊仔！」他其後在微博留言感謝各界關心，並特意向太太及母親「示愛」答謝連日來的照顧。