飾演國際刑警的文凱玲（Connie），戲中與余文樂扮演一對情侶，兩人在大宅內拍攝搬篋上房時，Connie又慘被「蠱惑樓梯」跣倒，幸獲「男友」樂仔攬腰英雄救美。不過，未知是否面對兩大影帝而緊張，當日一幕跌倒戲，對自己要求甚高的Connie寧願NG七次，都要做到最好，經驗豐富的樂仔見狀即教路，監製劉偉強也耐心地指導。

文凱玲拍跣倒樓梯時NG七次，樂仔教她應如何演繹。

余文樂（右）

首次與發哥合作的Connie大讚對方Nice又親切，更笑稱發哥自拍技術一流：「每次佢自拍揸機，角度都會影得好靚。」她又指今次未有性感演出，皆因晶哥希望她走喜劇路線。

余文樂笑言今次多得晶哥，令他在戲中「艷福不淺」，因周旋於文凱玲與童菲新歡舊愛之間，問樂仔可有叫王晶幫手加親熱戲？余文樂笑說：「唔使喇，靚女以迷人姿態出現就得，我同支槍親熱夠喇！」