藝人雨僑早前到韓國旅遊，甫到埗第一時間到仁寺洞食「屎餅」！雨僑笑言「屎餅」其實是豆沙食店的生招牌：「間嘢好出名！佢哋係整麵包同朱古力做嘅『屎餅』，不過真係好甜。因為我本身唔嗜甜嘢，所以食到個樣咁慘！」

雨僑到韓國食「屎餅」，卻大呼好甜！

雨僑食完「屎餅」又品嘗巨蟹，認真有口福！

食完「屎餅」，雨僑不忘為其美容生意取經，但去到護膚店時卻驚遇「木乃伊」：「真係『木乃伊』！係由頭包到落腳，仲要佢行出街都覺得冇乜嘢先得意。」問到會否嘗試整容？雨僑坦承有想過割雙眼皮，但因有朋友做完手術後發覺效果一般，所以還是決定繼續鑽研化妝技術。