「宅男女神」周秀娜昨日與麥浚龍出席Timberland秋冬時裝活動，娜姐透露將拍賀歲片，片中要一人分飾六角，搞到幾乎精神分裂。提到舊愛陳偉成疑似與模女友尹蓁晞復合？她強調已很久沒有聯絡，她亦已重新投入生活。問到何時重新投入感情生活？她笑說：「冇得夾硬搵。（出年30歲唔心急？）唔會喎！我依家自己一個都幾開心！（擇偶條件要專一？）我唔會諗專一，男人係咁，呢啲係天性！（嫖妓呢？）唔會接受，我慶幸自己未遇過。」

周秀娜於新片一人分飾六角，險些精神分裂。

麥浚龍因埋首寫劇本而令肩膊勞損。

而麥浚龍則透露即將再做導演開新戲，近日因埋首寫劇本而令肩膊勞損，每隔二十分鐘便會像火燒一樣的痛，問到女友可有為他按摩？他笑說：「冇喎！我日日都痛！（日日按囉！）我用冰敷降溫。」