《梟雄》監製王心慰於上海接受電話訪問，談到黃秋生似乎對無綫制度有意見，覺得要自費補貼酒店房差額很過分，她坦言公司一向有公司的規矩，對於秋生要求住五星級酒店，她說：「我哋所有一線演員都係住同一間酒店，大家出嚟拍戲好一致、合群，佢要住五星級酒店，我都搵人幫佢搵咗，要去食牛扒、龍蝦，咪要自己畀囉！有啲人好尊貴！冇問題。（秋生話未搞掂間房唔開工？）我哋一早已經畀咗通告，佢一陣都會嚟拍。」至於無綫助理總經理區偉林接受訪問時坦言已知道事件，亦知道監製已處理，他表示無綫一直有公司的規矩，會一視同仁：「我哋唔會因為卡士而改變，除非好特殊情況如健康或缺陷問題，先會有特別安排。如果係演員個人要求住好啲，呢啲個人決定咪自己畀錢囉！」

王心慰表示所有一線演員都是住同一間酒店。