參加周星馳新片《美人魚》選角的夏尉喻前晚未能打入6強，不過她沒有失望，希望有機客串向星爺偷師！

Barbie在台上出盡功架扭Body，可惜仆親又敗陣。

松岡獲星爺頒獎時鞠晒躬，禮貌可嘉！

松岡李那

周星馳新片《美人魚》總選拔賽前晚在颱風下於深圳舉行，13名候選者使盡渾身解數爭出線，大會原定只選出4強演出該片，但周星馳臨時加碼選出6位，結果香港代表松岡李那、許雅婷（Kabby）及兩位內地「佳麗」跑出，而碌晒地展示美人魚姿態的夏尉喻（Barbie），最終僅贏得「大膽才藝獎」。

完騷後Barbie拐住腳接受訪問，指比賽期間時間緊湊，結果不慎於後台仆倒，雖然未能打入6強，但她表示滿意表現，更笑說：「星爺電影最講係創意，呢個獎獨一無二，以後我除咗寸嘴同美貌之外，仲有埋創意添！希望到時可以客串到做幕後，跟星爺學嘢啦！」

問到自言盡全力比賽的松岡，是否第一時間向緋聞男友林德信報喜？她甜笑說：「都會Send Message，其實好多朋友下晝都有Send Message叫我加油！」

而Kabby則自信勝在夠年輕，但為免演技未能令星爺滿意，她會趁開戲前自我增值！

至於在節目完結前才亮相的周星馳，在頒獎後便匆匆離開，未有接受傳媒訪問。

松岡冇同林德信報喜

至於林德信（Alex）昨日現身活動時對松岡入6強感高興，表示會鼓勵對方，更欲自薦演出。問到是否演美人魚，Alex笑說：「點解唔得！我游水好叻，不過佢未同我報喜呀！」