黃宗澤前晚偕媽咪出席電影《男人唔可以窮》首映，雖然堅稱緋聞女友孫驍驍只是契妹，但黃母卻拖實她高調撐場，惹人懷疑。而陳嘉桓則表示色誘難過打功夫，更笑言在戲中扮完隆胸後不敢僭建：「夠用就得！」

黃媽媽（中）拖實Bosco的緋聞女友孫驍驍現身電影首映，唔通想一家親？

身穿低胸短裙的陳嘉桓（左），明顯搶去以中性打扮的鄧麗欣不少「峰」頭。

石天欣

黃宗澤（Bosco）及鄧麗欣等前晚出席國藝有份投資的電影《男人唔可以窮》首映，英皇電影老闆楊受成、陳嘉桓及石天欣亦有到場。

陳嘉桓拒「僭建」

Bosco媽媽拖實兒子的緋聞女友孫驍驍高調支持，但Bosco重申雙方沒有發展機會：「唔係緋聞女友，係我阿媽嘅契女，係我嘅契妹！（叫佢介紹女仔？）叫佢快啲啦，講笑啫！順其自然。」又指因契妹在內地約滿，故介紹她認識經理人。此外，Bosco在內地訪問中指男人不夠成熟就肯定被飛，未知是否有所暗示。電影中扮演性感角色兼隆胸的陳嘉桓則以低胸裝亮相，問到會否「僭建」，她坦言不會：「搞到腰酸背痛，自己夠用就得！」更直言拍色誘黃宗澤的戲份難過打功夫：「冇對手可以練，仲要着住高踭鞋擺S形甫士，難度真係好高，都有啲整親要貼膏布。」

鄧麗欣想做打女

至於跑步操肌的鄧麗欣表示想轉型做打女，問到男友方力申可有陪跑，她笑說：「室內一齊跑跑步機就有，室外佢鍾意除衫跑，費事阻住佢招惹狂蜂浪蝶啦！」而石天欣則穿熱褲大晒長腿，剛簽了新公司的她亦準備接拍電影。