容祖兒及蔡卓妍（阿Sa）得聞英皇公司高層霍汶希（Mani）及同事中了近30萬元六合彩，戥人開心之餘，揚言要屈Mani搞慶功請食飯！而同門的泳兒則最肉緊，大嘆揼心！

祖兒得知Mani中獎，即刻屈萬歲！

阿Sa戥Mani開心。

泳兒冇夾份買六合彩，大呻走寶！

Mani與公司同事夾份買六合彩，贏得7千蚊！

未能扑中億半六合彩令不少人心碎，Mani前晚卻在微博「晒命」：「今期的六合彩中了五個字得三獎。」據知Mani跟40名英皇唱片部同事合資5千元，投注了20張電腦飛，得財神眷顧扑中三獎，贏近30萬元彩金，夾了100元的Mani分得「橫財」7千元。而英皇「雙嬌」祖兒及阿Sa雖然沒夾錢買六合彩，但仍開心地說：「梗係戥佢哋高興啦！我要Mani同啲中獎同事請食飯，大家慶祝吓，我仲要叫佢哋做慈善，將幸福分畀大家。」

泳兒走寶揼心

至於泳兒前晚在《英國保誠呈獻：迪士尼90周年音樂會》中繼續盛裝打份獻唱，她昨日接受電話訪問時恨得牙癢：「真係揼心！冇份夾埋一份，我部手機壞壞哋呀！中咗咪夠錢買部iPhone 6囉！依家冇啦！」泳兒指同事夾錢買六合彩的習慣已有一年之久，曾中過多次幾百蚊的安慰獎，覺得今次中獎跟公司旺財有關：「同事喺公司附近間投注站買之嘛，我覺得佢哋成日咁買，唔係嗜賭，係同事之間聯誼嘅好方法，我見佢哋買得好開心！（你下次夾唔夾？）梗係要夾啦！唔會再一次畀自己走寶！」