已離開無綫的林峯昨日為主演的劇集宣傳，對於被指與女友吳千語在友人婚禮上脷疊脷，儼如預演婚禮，林峯否認有親暱舉動。而同場的梁烈唯則扮佘詩曼撲向林峯，又將林峯與吳千語的戀情擺上枱！
戴上佘詩曼肖像面具的梁烈唯，樹熊上身攬着林峯。
唯唯（左）搭着林峯膊頭表示好愛BB。
穿上露腰裝的高海寧，熱情地與粉絲玩自拍。
陳敏之孭着沈震軒，看似十分吃力。
林峯、陳敏之、高海寧、沈震軒和梁烈唯（唯唯）等昨日出席劇集《使徒行者》宣傳，由於女主角佘詩曼缺席，同劇的唯唯即戴上阿佘肖像面具，並向劇中男友林峯示愛，又把林峯與吳千語戀情擺上枱，模仿林峯的「愛的宣言」說：「我真係好愛好愛……BB！」令林峯哭笑不得，並說：「份稿好似冇呢句喎！」
否認脷疊脷
與千語愛得黐纏的林峯，早前才到日本享受購物樂，近日又雙雙到馬來西亞參加朋友婚禮，期間被指與女友脷疊脷激咀，林峯聞言笑說：「邊有呀！我記得冇喎！戥人開心啫，嗰個係我哋共同朋友。（預演婚禮？）兩個唔係第一次參加人哋婚禮，而且去一日就返啦！（有冇衝動？）唔關事。（計劃將來？）有時間都會計劃吓，呢個係人生階段，依家努力工作，傳我哋結婚都傳咗3、4次，好悶，未係Timing，佢都仲後生。」
已離開娘家無綫的他透露正計劃下半年工作，已物色新合作夥伴，希望數月內能公布新動向，問到是否內地公司，他說：「係香港，因為我係香港演員，想Base香港多啲，之後會主力電影同音樂，劇集就應該會有一排唔拍住。」
對於有指無綫裁員兼凍薪，被問到是否認為離開得合時？林峯滿有信心說：「唔會啦！點都唔會裁到我啩！我喺TVB咁耐，公司對我好好。（點睇件事？）每間公司都有唔同政策，我做演員就一向唔理，最緊要做好自己。」
高海寧加薪
而敏之則透露因劇集效應帶挈不少內地商演及廣告，更指劇中與沈震軒不乏咀戲，為防尷尬，已叫男友不要捧場。至於高海寧則透露獲無綫加人工：「我份約仲有好耐，唔知幾時加，我有信心，因為都好抵用，近排又多咗工作，仲要唔使性感，所以都轉緊型做實力派。」
影視組
