無綫小花龔嘉欣（Katy）與鄧健泓分手兩年，繼早前被指搭上富二代兼髮型屋老闆陳世俊後，有指男方嫌她過於高調，最終分手收場。不乏追求者的Katy近日又與陳展鵬傳緋聞。日前見她相約好姊妹樂瞳到中環開餐，同行還有一名鬍鬚型男。席上見他們有說有笑，醫肚後，再到附近名店閒逛，後來發現有記者，鬍鬚男即驚青閃人，反觀Katy和樂瞳十分鎮定，繼續行街。

Katy（右）和樂瞳笑晒口揮手，心情不俗。

Katy相約樂瞳和鬍鬚男食飯，鬍鬚男見記者拍照即閃人。

另外，對於近日被指與Katy飯局「蜜會」斷正，陳展鵬說：「其實個飯局係陳智燊約，普通食餐飯冇乜特別。」提到飯局被撞破，他勞氣地說：「感覺好似被強姦，始終係私人地方。（有指楊明撮合你同龔嘉欣？）同龔嘉欣完全冇可能，覺得好似畀人擺上枱。」而Katy被問到為何叫陳展鵬做「鵬鵬」咁親暱？她說：「全公司都係咁叫。」提到飯局一事，Katy說：「陳展鵬講咩同答咩就係啱。」