24歲的王宝宝思想成熟，擁有自己的一套價值觀。
王宝宝，經常被冠以「李思捷前女友」或「春卷」的形容詞，拍照時亦難免集中在其身材上，但並不代表這個24歲的女生沒有獨立思想。春卷早在11歲便接下第一個工作，工作經驗相當豐富，但豐富的人生閱歷沒有改變她的價值觀，她坦承重視金錢、有二十多次拍拖經驗，甚至為小三說好話，言論未必合乎世俗標準，但至少有立場且忠於自己，比起只會講門面說話的人好得多！
樣靚身材正的王宝宝，自然吸引不少追求者！
王宝宝
曾與李思捷拍拖的王宝宝，在愛情上是個現實主義者。
雖然王宝宝沒想過結婚，但披上嫁衣仍相當滿足。
王宝宝坦言因自小缺錢，所以更明白錢的重要性。
還記得24歲的自己嗎？應該是大學畢業後出來社會工作了兩年，仍是懵懵懂懂的小子或女生，還未弄清自己的方向。不過，現年24歲的「春卷」王宝宝卻不一樣，她的思想比實際年齡成熟，大概與她很早出來工作有關，由於家境並不富裕，春卷自小已學懂自食其力賺取生活費，11歲開始成為模特兒，第一個工作是做腿模：「我11歲已經有170cm高，我以為將來會好高，但之後冇高過，哈哈！當時嘅我又高、腿又長，但唔係靚女，所以就成為腿模，主要宣傳絲襪同鞋，淨係對腳出鏡，個樣唔使出鏡。我仲記得第一個Job大約係14英鎊一個鐘。」14歲，她有第一份正式而穩定的兼職工作，其後又在英國BBC電台做過暑期工、舞台化妝師、翻譯員及相片後期加工等工作。
自認現實派
從母親不愉快的婚姻經歷中，令春卷知道不能依靠別人，只能靠自己，她說：「我媽咪係家庭主婦，佢只係識依靠老公，所以出咗好多問題。我覺得人係唔可以唔做嘢，一定要留條後路畀自己，如果有日你依靠嘅人有事，你個世界就係零，到你想出去工作，都好難融入呢個社會，所以我唔鍾意靠人，尤其經濟上唔可以靠人。」那麼若將來老公要她辭職做少奶奶享福呢？她笑說：「咁佢肯定做唔到我老公。」
春卷自認現實，着重金錢，因為自小缺錢，所以更明白錢的重要性，但亦因為貧窮，所以知足：「我唔需要大富大貴，對我嚟講有得食有得住就足夠，賺錢要賺得其所，唔可以做犯法嘅事，要對得住自己良心。而且一個人愈有錢，就會愈貪心，想要更多嘢，永無止境，但呢個唔係我所追求嘅。我從來冇諗過要賺夠幾多錢就退休，因為我鍾意工作，享受工作。」
對於愛情，春卷同樣是現實主義者，不相信有情飲水飽，亦從來沒有幻想要嫁個有錢人：「唔需要好有錢，但至少要照顧到佢自己先，另一半有事業好重要，尤其係男人。」春卷甚至不受姻婚制度這一套，對她來說，結婚就只是一紙婚書而已：「我同一個人拍拖，我唔會去諗將來，只要依家開心就得，我唔會想結婚，但如果對方想結婚，我冇問題，可以同佢結婚，反正之後唔開心，要離婚亦唔係咩大不了嘅事。當然如果結得婚，就要尊重婚姻制度。」
維護第三者
在男女關係中，春卷自認失敗者。現年24歲的她，曾拍過二十多次拖，但她強調能成為真正的男朋友只有寥寥幾人：「我所講嘅拍拖只係畀個機會大家發展吓，如果有人追我，就算我直覺覺得大家唔適合，但我都會畀機會，因為唔試唔知大家啱唔啱，但有啲拍咗幾日拖，已經發覺大家真係唔夾。」春卷不諱言分手有一半原因是對方或自己有第三者，對於小三問題，大家都避之則吉，春卷反而為小三講好話：「我冇做過人第三者，但我唔覺得第三者係錯，鍾意一個人唔係罪。就算係我嘅男友畀人搶，如果我個男友對第三者冇興趣，咁第三者點都唔會勾引到佢。既然個男人有第三者，咁你仲要嚟做乜？當然如果第三者本身唔係單身，而佢鍾意嗰個男人已婚，咁又另作別論。老實講，如果一個男人可以咁對另一半，佢將來都會因為第四者而唔要第三者，你唔好以為自己係例外嗰個，做得第三者就要有所覺悟。」
陳嘉敏
