洪卓立（Ken）、陳嘉寶（Anjaylia）及Super Girls等昨日為音樂舞台劇宣傳，在劇中被眾男力爭的Anjaylia自爆跟Ken有接吻戲，眼見阿Ken女友湯怡會到場，Anjaylia亦有意叫男友監場：「大家都一齊公平啲！」她又自爆與Ken再續前緣：「幾年前本身同Ken拍MV都有吻戲，不過嗰時未拍拖，我問導演可唔可以Cut咗佢，結果依家又有對手戲！」而以露臍裝現身的Super Girls與現場歌迷玩遊戲之餘，更大騷小蠻腰演唱新歌《鎂光燈下》，Heidi在台上以自拍神棍與隊友扮鬼臉留影。

Heidi（左一）手執自拍神棍留影。

Aka（左）與Heidi粉絲影大合照，相當識做！

洪卓立與Anjaylia在舞台劇再續前緣。