歌手馮凱淇（Cherry）自出道後工作忙碌，為抽空陪家人，不惜推掉工作陪母親及其友人到台南和台北：「以前成日同媽咪去旅行，但入咗行之後好難夾時間，所以放棄咗工作，始終要陪吓媽咪。」但她自爆在台南遇上不愉快經歷：「我哋請咗司機車我哋去玩，但台南個司機好似冇經驗，唔會主動介紹景點，連我哋想去嘅地方都唔識，好似我哋想食刨冰，佢竟然帶我哋去一條賣五金嘅街度搵。」對於台北的酒店，Cherry亦覺得與想像中不同：「唔知係咪想慳位，兩張單人床一條直線咁排，都唔覺同緊媽咪同房。」

Cherry遊台灣擦炸雞扒等美食，導致增磅。

Cherry見到價值連城的金磚，即不放過合照的機會。

除尋找美食外，Cherry特意拜訪台灣著名舞蹈教室學跳舞。

Cherry對於新奇的食物非常感興趣，特意買來一試。

酒店房床位擺設特別，令Cherry感覺儼如自己一個人住。

除陪伴家人外，原來Cherry去台灣的另一目的是學跳舞：「去咗台北一個有名嘅舞蹈老師有份開嘅舞室學跳舞，我想睇吓同香港有乜唔同，但學咗兩堂覺得簡單過香港就冇再去。」雖然六日五夜的旅程有苦有甜，但她仍覺值得：「因為可以同媽咪一齊，同啲Auntie、Uncle一齊去，聽番佢哋以前嘅嘢都好開心！」