莊思明斬纜離港療情傷

莊思明與陳慧琳弟弟陳司翰拍拖多時，關係一直為大眾認定，連司翰家人亦對思明甚有好感，希望二人盡快結婚，藉此令司翰修心養性。二人雖不時傳分手，但思明一概稱是私人事不作回應，言談間又「耍花槍」，自爆多人追，似乎希望男友對她着緊些。不過，陳司翰對癡情女友一於少理，被《好報》影到背着思明與「D奶妹」密會，好事被撞破後，躁爆的司翰返歸時更怒向保安員發洩：「你仲想唔想喺度做？如果你仲想喺度做，就唔該下次開閘開快啲！」

思敏代出頭

雖未知莊思明是否蒙在鼓裏，但思明的家姐莊思敏昨日為新片拍攝海報時，大爆妹妹已與司翰分手：「思明同佢（司翰）其實係朋友。（唔係男女朋友？）應該唔係咗一段時間，但幾耐就唔記得。」問到「D奶妹」是否第三者時，莊思敏說：「呢個我唔知，但佢車女仔好正常。（思明同司翰再見亦是朋友？）佢哋有共同朋友，應該可以做番朋友，不過我同司翰就唔係好熟。」

思華讚堅強

思明孖生細妹莊思華昨出席時裝品牌活動時則表示對家姐分手全不知情：「我從來唔過問，亦冇留意訪問同娛樂新聞。（佢冇叫你陪佢散心？）冇特登約我去蒲，正常社交。（佢心情點？）OK，冇問題，唔好睇到佢咁脆弱！」而每日都會拍攝無綫劇集《愛．回家》的思明，昨日卻不見蹤影，記者多次致電，電話中只傳來外地響聲，而傳短訊給她起初亦沒回應，及後問到家姐指她與陳司翰已分手，她只以短訊答覆：「之前都講過，私人事唔會回應。」似乎是飛到外地療情傷。