史上最高彩金的六合彩今日有攪珠結果，連o靚模郭奕芯（Ashina）亦湊熱鬧博一博，期望可贏得一億五千萬彩金！她與好友姜紫藍昨日現身投注站，填彩票時顯得雞手鴨腳，不時要身旁的姜紫藍提水，最後買了兩注小試牛刀。

Ashina（右）及姜紫藍湊熱鬧買六合彩，期望「博一博，單車變摩托」！

Ashina填彩票時手忙腳亂，要由姜紫藍在旁提水。

Ashina自言初次買六合彩，十分緊張：「未試過買，頭先仲填錯咗一張，要再填過。（心水號碼係咩？）生日日期，11號同22號，都係志在參與！」她表示若中了頭獎便將全數彩金送給家人：「中一千幾百都開心，會請屋企人食飯。如果中頭獎會去個旅行先，之後畀晒屋企人。（會買樓？）有錢梗係會！」

至於鍾嘉欣及胡定欣亦已想好會如何運用彩金，嘉欣透露與劇集《華麗轉身》14位台前幕後人員夾錢買彩票：「每人夾10蚊買電腦飛，中咗會做善事，同埋買樓畀屋企人。我鍾意49號，因為幸運號碼係9號，4字好多人覺得唔好意頭，但我偏偏鍾意！」胡定欣則說：「獎金太吸引，我都買埋一份！中咗會拎一部分做善事，之後會用嚟投資或買樓。」