昨日全城瘋狂搶購iPhone 6，身為電器代言人的容祖兒希望可有機落袋，更笑言千方百計亦要得到心頭好，更隨時要男友送禮，師兄劉浩龍收到啦！

祖兒及嘉欣結伴出席活動，恨收iPhone 6做禮物的祖兒更隔空向男友劉浩龍落Order！

劉浩龍

陳嘉容（圖）盛裝赴會，但不及以Bra Top襯皮褸的姚書軼性感。

姚書軼

天后容祖兒昨晚出席時裝品牌Versace活動，同場有「大美人」李嘉欣（Michelle）、台灣歌手蕭亞軒及星級造型師Alvin Goh等擔任嘉賓。昨日全城紛紛搶購iPhone 6，緊貼潮流的祖兒表示未有訂購：「覺得身為電器代言人，應該可以淨袋，有一部就心滿意足喇！（唔使留部畀師兄？）有咪留，冇就買啦！」

自訂「嫁」期唔心急

她又透露早前遇上怪事：「早排部電話感冒，極都冇反應，可能知我想換機小器啩！（如果代言嗰邊唔送電話畀你，咁點算？）如果千方百計都要得到，咁都要出動到男友送啦！」提到在好友鄭希怡的婚禮上搶得花球，她笑說：「仲有神秘蝦球，但唔可以影響到自己個Schedule。」

此外，提到許晉亨兄長許晉乾的訃聞，李嘉欣表示已妥善處理其身後事，十分哀傷：「全家人都傷痛，要一步步走出嚟，因為件事幾突然。（點安慰先生？）呢個係佢親哥哥、好手足，依家要團結成個家庭先啱。」並表示不便透露許晉乾離世病因。