范振鋒（左起）、李思欣、譚嘉荃和漢洋，齊齊大合照留念。
歌手漢洋、譚嘉荃（Amy）、張崇基、張崇德、范振鋒及李思欣等，日前出席慈善晚宴，更即席大騷歌技。眾人又齊為Amy慶祝生日，令她十分開心，不過鑑於已有太多朋友為她慶生，故令Amy患「蛋糕恐懼症」：「太多朋友同我慶祝生日，食咗好多個蛋糕，一定肥咗勁多，要努力減肥先得啦！」 而漢洋及Amy則不約而同表示希望為社會出一分力，幫助有需要的人：「社會上好多人需要幫助，所以幫得幾多就幾多，我哋強項係唱歌，所以好想用歌聲去幫助其他人。（搞慈善騷？）想呀！但想部署得好啲，所以暫時短期唔會搞啦！」
