模特兒傅嘉莉（Kelly）向來對DIY手作甚有興趣，近日更向難度挑戰，處女下海嘗試製作皮革卡片套，Kelly整得有板有眼，更獲導師大讚有天分。同時熱愛畫畫的Kelly則坦言喜歡透過手作心思，將愛傳遞出去！

傅嘉莉拿着完成的皮革卡片套美輪美奐，獲導師大讚有天分。

Step 1
Kelly細心剪裁皮革後，再用錘子揼窿。

Step 2
Kelly一針一針地將皮革縫上。

Step 3
將皮革邊縫針後，再剪去線頭即成。

傅嘉莉向來對畫畫素有研究，近日自我挑戰，大玩手作DIY皮革卡片套。首先見Kelly細心剪裁皮革，其後在導師的指導下即揼窿兼縫針，有板有眼，不消一會兒已經完成作品，導師亦大讚Kelly甚有天分，「功力」十足！

Kelly坦言是首次DIY整卡片皮套，她表示幸得導師指導，終可完成：「第一次親手整呢啲皮革，所以揀咗個冇咁複雜嘅。第一次整就唔想咁難，都整咗差唔多三至四個鐘，雖然比想像中難好多，不過望落去真係全部都好細緻。」

自製禮物贈好友

閒時熱愛畫畫的Kelly坦言，都有玩手作DIY，喜愛親自整小禮物給朋友，她說：「由細到大我都好鍾意整禮物送畀朋友，因為有時用錢買嘅嘢都未必咁有心思。我鍾意畫畫，依家都係好鍾意，我都試過將啲相晒出嚟，之後貼落本簿或者整張心意卡，再加上裝飾同貼紙，希望可以畀朋友感覺我係有心思。（試過整畀男友？）梗係有，都係畫畫，自己都覺得整得幾靚。」